Додека Кара Делавин се пробива во светот на филмот, „Вог“ ја потсетува дека таа чекори на врвот на модната индустрија, подарувајќи ѝ насловна страница.
Модниот едиторијал за јулското издание на списанието го потпишува реномираниот фотограф Патрик Демаршелие. На фотографиите, Кара носи креации од модни куќи како Шанел, Том Форд, Родарте и Џамбатиста Вали.
Долгоногата Британка со препознатливи густи веѓи моментално е фокусирана на актерството. Во интервјуто за модната библија, 22-годишната манекенка признала дека се плашела да скокне од модата во Холивуд, но дека сега е многу задоволна од новата кариера.
Кара се отворила и за животот со мајка-зависник од дрога. „Тоа го обликува детството на секое дете со родител-зависник. Растеш прерано, бидејќи треба да изигруваш родител на своите родители. Мајка ми е неверојатно силна жена со големо срце и ја обожавам. Но, тоа не е нешто од кое стануваш подобар. Познавам луѓе кои престанале со дрогата и се добро, но тоа не е случај кај мене. Таа сè уште се бори“ – раскажала таа.
Самата Кара поминала низ многу проблеми како депресија и анксиозност, но сега вели дека е пресреќна, за што придонесла и врската со пејачката Ени Кларк (St. Vincent). „Тоа што сум заљубена во мојата девојка многу придонесува за тоа што се чувствувам среќна со она што сум деновиве“ – рекла таа.
Кара со својата девојка Ени Кларк