Архитектонската фирма „Evolution Design“ претвори напуштена стара капела во удобна и модерна куќарка идеална за релаксиран одмор и бегство од динамичниот начин на живот.
Капелата со прекрасен поглед се наоѓа во село во Англија. Таа сега е трансформирана во модернистичка викендичка наменета за престој на седум гости.
Стариот објект датира од 1880 година, па поради уникатниот и оригинален изглед, дизајнерите и архитектите кои работеле на проектот решиле да ја остават надворешноста непроменета.
Целта на реновирањето била да заживее повторно напуштеното место и да им се овозможи на посетителите да уживаат во мирот и тишината на селото и да се восхитуваат на автентичната градба.
Идиличната викендичка сега е достапна само за кратки престои и е нарекувана „Chapel on the Hill“ или „Капелата на ридот“.
