Изабел Голарт секогаш добива комплименти за добрата фигура и одличниот стил, а нејзиното појавување во Кан не беше исклучок.
33-годишниот поранешен ангел на Victoria’s Secret мамеше погледи во гламурозна креација од Зухаир Мурад на премиерата на „Sink Or Swim“ во рамките на Канскиот филмски фестивал. Својот изглед, убавата Бразилка го надополни со сандали од Џими Чу и накит од Шопард.
На Instagram, Голарт објави кратко видео во кое се гледаат блескавите детали на фустанот и доби бројни комплименти.
Претходно, Изабел присуствуваше на свечен ручек во чест на новото партнерство меѓу Chopard и фондацијата „Naked Heart“. Таа носеше бел комбинезон од Ели Сааб.
