Шведскиот моден гигант H&M предлага едноставни, но стилски комбинации за есенската сезона. Преку две различни фотосесии со моделите Карли Клос и Саша Пивоварова, популарниот бренд ни ги навестува идните модни трендови.
Колекцијата во најголем дел е составена од секојдневна лежерна облека, но има и неколку вечерни поелегантни предлози.
Разновидна, комфорна и топла... со тие зборови може да се опише есенската колекција во која преовладуваат дебели џемпери, широки панталони, наметки и широки блузи. Во интересните комбинации може да се насети ретро влијанието на стилот од 70-тите години.
Нијансите на крем, сива, бордо и кафеава, заедно со боите на карамела и тиква им даваат есенски шарм и убавина на топлите креации.
