Ема Вотсон шармира и заведува со два тематски различни едиторијали за списанието „Wonderland“.
На дел од фотографиите 23-годишната филмска ѕвезда позира заедно со Даглас Бут. Привлечниот пар моментално го промовира својот заеднички филм „Noah“, но соработува уште од 2009 година, кога сними модна кампања за брендот Burberry.
Освен што ги краси страниците на списанието, Ема е вклучена во создавањето на изданието февруари-март како гостин-уредник.
Втората фотосесија ја прикажува Ема во позаводливо светло, во дизајнерски креации од Prada, Diesel Leather Tribute, Emporio Armani, Miu Miu, Dsquared2 и Louis Vuitton.
Во интервјуто Вотсон зборувала за кратката фризура со која привлече многу внимание пред неколку години. „Ми недостига многу. Во моментот кога ќе забременам, првото нешто што ќе го направам е да ја скратам косата, бидејќи знам дека нема да работам подолго време. Ако не бев актерка, ќе ја зачував кратка. Ќе можев да ја мијам во мијалник и да ја тресам како куче“ – рекла таа.
Ема потврдила и дека во мај ќе го заврши студирањето и ќе добие диплома од Универзитетот Браун.
