Лупита Нионго континуирано восхитува на црвениот тепих и модните критичари имаат големи очекувања кога станува збор за нејзиниот стил. Па, не беше изненадување што 31-годишната актерка се истакна меѓу елегантните дами на SAG Awards 2015.
Харизматичната Нионго „хипнотизираше“ во долг фустан од колекцијата pre-fall 2015 на Ели Сааб. Креацијата со апстрактен цветен принт Лупита ја надополни со префинет накит од Фред Лејтон.
За време на манифестацијата, Лупита и Џаред Лето ја доделија наградата Најдобар актер во ТВ филм или мини-серија.
На забавата по повод SAG Awards, Лупита се појави во уште еден фустан од истата колекција на Сааб.
