Времето како да застанало за Гвен Стефани. 42-годишната пејачка изгледа неверојатно убаво на фотографиите од нејзиниот едиторијал за ноемвриското издание на списанието InStyle. Со препознатливата руса коса и крваво црвен кармин, Гвен зрачи со самодоверба и стил.
Во интервјуто за списанието, пејачката која успешно се проби во модната индустрија зборувала за мајчинството, бојата на нејзината коса и шминката.
За мајчинството: „Мајчинството веројатно ми е најголем предизвик од сè што правам. Тимската работа е многу важен дел од бракот и од тоа да си родител.“
За нејзината руса коса: „Мојата коса е Лореал, но не откривам која нијанса и си ги бојадисувам корените исто толку често колку што тоа го правеше Мерилин Монро. Сериозна сум. Го дознав тоа.“
За времето кога станала црвенокоса: „Еднаш бев црвенокоса. Веднаш штом се вративме од првата турнеја со No Doubt мислев дека луѓето ќе ме препознаваат, па се бојадисав црвена. Си ја мразев косата.“
За секојдневното шминкање: „Се шминкам секој ден, дури и кога не одам никаде.“
