Колекцијата есен/зима 2011 на модната куќа Гучи за првпат беше претставена на Миланската модна недела во февруари. А сега, може да ги видиме и официјалните фотографии кои ги претставуваат креациите во најдобро светло.
Секоја фотографија е доказ за мајсторството на Фрида Џанини, дизајнерката која во креациите секогаш го носи духот на Гучи, а овој пат го вдахна и духот на 70-тите.
Панталони со висок струк и широки ногавици, високи тесни чизми, струкирани палта со крзнени детали, големи чанти и елегантни шешири... Џанини со есенската колекција бестрашно ја искористи софистицираноста на модата од 70-тите години и ја спои со модерното време.
