Синоќа започна првата сезона на Скопски моден фестивал. Со ревијата на брендот KTN беше означен почетокот на модните фестивалски активности кои ќе се случуваат во текот на еден месец.
Под слоганот „The Future was Present”, во Скопје Сити Мол модни ревии одржаа KTN, Sigma Jewelry и Akademia Evolucion.
Погледнете како изгледаа гостите на свеченото отворање:
Денес и утре свои колекции ќе презентираат и Евгенија Зафировска и Teja Jeglich (Словенија), STL Studios, Сара Реџиќ, Superstacy, Стефанија Насеска, Katerina Zoto (Албанија) и Emili Exclusive Design.
На 07.03 (понеделник) во 19 часот свечено ќе се отвори и тринеделниот изложбено-продажен салон во трговскиот центар, каде ексклузивно ќе можат да се погледнат и купат креациите на мнозинството фестивалски учесници.
Фото: Александар Буневски / Femina.mk