Том Форд ја обожава мистериозноста, но и драмата која се создава околу неговите колекции. Па, како и претходните колекции, и колекцијата за сезоната есен/зима 2012 тој ја претстави пред внимателно избран круг на луѓе кои немаа можност да обелоденат ниту една креација додека самиот дизајнер не одлучи светот да го види неговото модно дело.
Критичарите се едногласни – Форд си го врати магичниот допир. Креациите зрачат со сексапил и доминантност и очигледно се наменети за жени кои сакаат да покоруваат со своето моќно присуство.
Егзотични кожи, крзно, структурирани силуети, златни впечатливи детали, остри линии, нагласени раменици... Колекцијата се карактеризира со сериозен гламур каков што би посакала само жена со изграден силен карактер и стил.
Некои од новите креации веќе се прославија на црвениот тепих. Гвинет Палтроу блесна во белата креација со наметка на Оскарите, а Ријана воодушеви на МЕТ балот во долгиот црн „крокодилски“ фустан.
Колекцијата на Форд најпрво се појави пред очите на јавноста во форма на видео презентација, но еве ги официјалните фотографии. Погледнете го луксузот претставен преку креативниот ум на Форд:
