Војвотката од Кембриџ уште еднаш го покажа своето огромно влијание во модниот свет. Фустанот којшто таа го носеше на вчерашната официјална средба со Обамови моментално стана вистински моден хит.
Краткиот тесен фустан во капучино боја од британскиот бренд Reiss предизвика модна манија во Британија и неколку пати го „сруши“ сајтот на фирмата. Претставник на Reiss изјавил дека во период од само 2 минути по појавата на Кетрин на свечениот настан, онлајн биле продадени 20 фустани.
Фактот што фустанот чини само 280 долари уште повеќе ги мотивираше модните зависнички да „полудат“ по него.
Убавата капучино боја на фустанот одлично го истакна темниот тен на Кетрин, којшто е „последица“ од медениот месец со принцот Вилијам на Сејшелите, и ја потенцира и нејзината слаба фигура.
Гостинката на Кетрин, Мишел Обама, носеше сребрено-син фустан со А-линија од Barbara Tfank во комбинација со розово болеро и сребрени сандали.
Барак Обама, принцот Вилијам, Кетрин и Мишел Обама
Ова не е првпат Кетрин да носи креација од Reiss. Таа носеше бел фустан од овој бренд и за фотосесијата за официјалните фотографии од свршувачката.
Кетрин носеше фустан на Reiss и за фотосесијата за официјалните фотографии од свршувачката