Црвениот винтиџ фустан со црни точки од Диор, кој Натали Портман го носеше на манифестацијата за доделување на Оскарите, се продаде за 50.000 долари.
Иако многумина дадоа лоши критики за изборот на Натали, тоа не беше пречка решителниот анонимен купувач да го подиспразни својот џеб и да плати голема сума за да ја додаде елегантната тоалета во својата колекција облека од висока мода.
Фустанот е од „couture“ колекцијата на Кристијан Диор пролет/лето 1954 година и е изработен од свилена органза.
Стилистката на Портман, Кејт Јанг, открила дека познатата актерка имала намера да носи друг фустан, но се премислила во последен момент. Фустанот за Оскарите бил позајмен од продавницата Rare Vintage во Њујорк.
„Фустанот на Натали е прекрасен. Таа всушност ќе носеше друг фустан, но тогаш ми се јави жената од Rare Vintage и ми рече: треба да го видиш овој фустан за Натали. Отидовме, таа го облече и не беа потребни никакви промени“ – изјавила Кејт.