Ева Лонгорија беше почесна гостинка на хуманитарна гала во Мадрид. 41-годишната актерка во елегантна тоалета заблеска на црвениот тепих на настанот организиран од „Global Gift Foundation“, непрофитна организација фокусирана на олеснување на животот на деца, жени и семејства.
Впечатливата креација која ја носеше Лонгорија доаѓа од ателјето на Rosa Clara.
На шармантната ѕвезда од „Очајни домаќинки“ ѝ беше доделена престижната награда „Rioja“, која им се доделува на луѓето кои имаат огромно влијание врз светот. Ева постојано се вклучува во хуманитарни активности, а во неколку наврати има изјавено дека нејзината сестра со специјални потреби ја мотивирала да започне да презема такви иницијативи.
Лонгорија доби силни прегратки и бакнежи од нејзин голем фан – Адријан Мартин Вега. 10-годишното момче страда од хидроцефалија, aкумулација на течности во мозокот. Адријан стана интернет сензација поради неверојатниот глас, откако минатата година беше споделено видео од него и неговата постара сестра.
