Кога Ева Лонгорија беше водителка на MTV EMA во 2010 година, таа за една вечер се пресоблече дури 10 пати. Истото го направи и на минатогодишното доделување на наградите Alma, па веројатно не ѝ беше тешко да го повтори тоа маратонско пресоблекување уште еднаш.
За време на манифестацијата по повод доделувањето на наградите Alma (American Latino Media Arts) згодната актерка се појави во 9 различни долги вечерни фустани.
37-годишната ѕвезда, која заедно со Џорџ Лопез ја водеше свеченоста, не им даде време да дишат ниту на фризерите, бидејќи со секое излегување на сцената таа блескаше со нова фризура.
Еден од фустаните особено го задржа вниманието на присутните, затоа што провидноста разголи малку повеќе од телото на Лонгорија.
Меѓу ѕвездите кои добија награди беа Кристина Агилера и Зое Салдана.
