Синоќа на црвениот тепих пред музејот на уметноста „Метрополитен“ во Њујорк имаше многу модни изненадувања. Повеќе холивудски дами измамија воздишки со своја интерпретација на панкот во високата мода, но не беа малку и оние кои заработија тешки критики.
Меѓу „најозборуваните“ ѕвезди беа Ен Хетавеј и Никол Ричи, бидејќи изненадија со нови фризури. Ен заработи многу комплименти и пофалби за новата руса коса, но и за проѕирната црна тоалета од Валентино.
Од друга страна, Никол Ричи не воодушеви толку многу со својата нова седа коса. Сакајќи да го долови бунтовничкиот „панк“ дух кој не почитува правила, 31-годишната ѕвезда се појави со бела коса која беше во контраст со нејзиниот темен тен и бордите усни.
