Ели Сааб и Колет Диниган ја затворија модната недела во Париз и со тоа го означија крајот на месец исполнет со ревии низ четирите најголеми модни метрополи.
Ели Сааб повторно воодушеви со долгите елегантни вечерни тоалети, но и изненади со бројот на презентирани комбинации дневна облека.
Иако либанскиот дизајнер е познат по своите раскошно блескави фустани, тој реши да покаже дека доста успешно се справува и со строгите структурирани линии. Па, ревијата Сааб ја започна со дневни сиви и црни комбинации во бизнис стил, за потоа постепено да го интензивира присуството на елеганција во своите креации.
Дневната облека доминираше во колекцијата за сезоната есен/зима 2012, но воздишките од публиката започнаа кога Сааб стапна на позната територија со вечерните фустани.
Погледнете ја целата колекција.
