Брендот Жорж Хобеика е изграден врз три фундаментални принципи – женственост, гламур и сензуалност. Либанскиот дизајнер без исклучок ги следи тие принципи и кога станува збор за неговата младешка линија „GH“.
Колекцијата „GH by Georges Hobeika“ за актуелната сезона е составена од креации кои ставаат акцент на женската фигура, но вешто го избегнуваат пренагласениот сексапил.
Класичната црна, кралската сина, нежната бежова, деликатната розова и луксузната сребрена боја ја оформуваат палетата на Хобеика. Инспирација за колекцијата повторно е Либан со уникатната комбинација од богата култура, историја и традиција. „Либанците знаат да го ценат она што е убаво“ – изјавил Хобеика и дополнил дека токму поради тоа неговите сонародници како Ели Сааб и Зухаир Мурад постигнуваат огромни успеси.
