Едногодишно момче родено без една рака забрзано привлекува обожаватели на Instagram, покажувајќи им дека ништо не може да го спречи да изгледа неодоливо. Малиот Окли им ги освои срцата на повеќе од 15.000 лица не само со својот стил, туку и со очигледната харизма.
Окли секој ден им докажува на своите родители дека телесниот недостаток нема да го запре. „По она што го видов досега, тој е многу решително мало момче и не мислам дека нешто може да го запре“ – рекол неговиот татко.
14-месечното момче обожава да позира во модерни аутфити, а благодарение на неговата популарност, тоа постојано добива пакети со играчки, облека, обувки и капи од различни брендови. Некои од брендовите ги прилагодуваат своите модели на раката на Окли.
Често на фотографиите на профилот на Окли се појавува и неговото едномесечно братче Хаксли.
Родителите на Оклу, Грег и Викторија, се надеваат дека нивниот син ќе живее нормален живот и дека различноста нема да му биде пречка. „Се надевам дека никогаш нема да биде огорчен од фактот што е различен. Ништо не ме наведува да мислам дека различноста на неговиот екстремитет ќе го спречи во нешто“ – вели мајка му.
