Кампањата на Версаче за колекцијата есен/зима 2011 зрачи со драматичност. Мистичната атмосфера која е доловена во фотографиите на Мерт Алас и Маркус Пигот е надополнета со андрогиниот модел со загадочен поглед.
Војничкиот стил изразен преку големи копчиња во златна боја доминираше во есенската колекција на Донатела Версаче. Самите копчиња се препознатливи за овој моден бренд затоа што врз нив е изгравирана главата на Медуза, која всушност е заштитен знак на Версаче.
Иако во повеќето креации може да се насети сила, доминантност и строгост, сепак има и неколку модели кои ја потенцираат женственоста и ја акцентираат нежноста.
