Џиџи Хадид забрзано ја освојува модната индустрија. 20-годишната манекенка го збогати своето модно портфолио со уште еден ангажман и стана заштитно лице на „Topshop“.
Хадид е во центарот на кампањата есен/зима 2015 на британскиот бренд. Фотографот Тајрон Лебон стои зад рекламните фотографии.
„Со амбициозни планови постојано го зголемуваме отпечатокот кој го оставаме на сите пазари и чувствувам дека Џиџи е идеалниот амбасадор кој ќе ги поткрепи ваквите напори“ – вели Филип Грин, претседателот на групацијата „Arcadia“ под чија капа стои Topshop.
Кара Делавин беше лицето од двете претходни кампањи на „Topshop“.