Џесика Бил го краси јануарското издание на списанието „Elle“. 30-годишната актерка која неодамна стапи во брак со Џастин Тимберлејк позира во повеќе дизајнерски креации и во друштво на четворица големи дизајнери.
На впечатливите фотографии Џесика позира со Кристијан Лобутин, Жан Пол Готје, Азедине Алаја и креаторот на нејзината венчаница, Џамбатиста Вали.
Џесика со Кристијан Лобутин
Во интервју за списанието, Џесика зборувала за бракот, невестинскиот фустан, медениот месец и плановите за иднината.
Џесика со Жан Пол Готје
За изборот на невестински фустан: „Сакав фустанот да биде многу романтичен и женствен и со форма каква што ретко носам. Никогаш не сум била луда по целосно бели невестински фустани, барем не за себе. Испадна подобро отколку што можев да си замислам. Се чувствував елегантно.“
Џесика со Џамбатиста Вали
За бракот: „Значи секогаш да имаш до себе некој да ти ја отвора теглата со кисели краставички... со кого ќе ги споделиш успесите и неуспесите и со кого ќе доживуваш авантури. Некој со кого ќе одиш да пливаш гол.“
Џесика со Азедине Алаја во неговото ателје
За медениот месец: „Медениот месец е најдоброто нешто на тоа да си невеста. Посакувам да сум на месен месец засекогаш.“
За плановите за иднината: „Целта ми е да работам со одлични режисери. Мали улоги, големи улоги, средни улоги – не е важно. Само сакам да работам со некој кој ќе ме турне во страшно, возбудливо место на кое не сум била претходно.“
