Џесика Алба го краси мартовското издание на списанието „Nylon“. За модниот едиторијал 32-годишната актерка носи забавни пролетни комбинации.
Во интервју за списанието, Алба изјавила дека е зависна од глумењето и дека обожава улоги кои немаат допир со нејзиниот живот и нејзиниот карактер. „Многу е ослободувачки да имаш можност да глумиш некој што е агресивен или промискуитетен затоа што тоа е спротивно на она што сум јас... тоа е како дрога“ – рекла таа.
И покрај тоа што е посветена на развивањето на својата компанија „The Honest Company“, Алба ниту малку не го занемарува актерството. Нејзините фанови наскоро од неа можат да очекуваат дури седум нови филма, меѓу кои и „Sin City: A Dame to Kill For“.
