Неодоливата Џесика Алба се појави во летното издание на списанието Genlux. Во откачената фотосесија 29-годишната ѕвезда позира со порцелански кукли.
Младата мајка одлично се вклопи во сесијата наречена „Kid Tested – Jessica Approved“ и со многу стил ги долови различните ситуации.
Џесика Алба нема прифатено многу филмски проекти по раѓањето на нејзината ќерка во јуни 2008 година. Таа објаснува дека веќе приоритетите ѝ се поинакви и дека би прифатила само проект за кој вреди да отсуствува од животот на нејзината ќерка.
„Не сакам да бидам подалеку од неа за да правам некој голем глупав филм во којшто ќе трчам наоколу по трико, убивајќи луѓе во текот на шест месеци. Не велам дека никогаш нема да го правам тоа, но сега воопшто не ми паѓа на памет“ – изјавила таа.
Во моментов Џесика е и рекламно лице на познатиот бренд Revlon.
