Џесика Алба го краси септемвриското издание на „Allure“. Славната актерка и бизнисменка сними фотосесија за списанието и зборуваше за мотивацијата и желбата за учење нови нешта во животот.
На фотографиите, 34-годишната холивудска ѕвезда носи креации од Calvin Klein, Marc Jacobs, The Row и Marysia.
„Работам од 12-годишна возраст. Имам живеено низ целиот свет. Сум работела на многу места од светот со возрасни личности и сум ги видела сите различни динамики. Бев дел од многу бизнис и маркетинг стратегии и гледам како тие ги користат лицата како мене. Сакам да учам. Јас сум како сунѓер. Не ја изгубив жедта и желбата за учење. Секој ден е различен и јас се стремам да работам нешто за кое се чувствувам добро“ – изјавила Алба.
