Џесика Алба зрачи со ноншалантна елеганција во мајското издание на списанието „More“.
За едиторијалот „Billion Dollar Baby“, Алба позираше во креации од брендови како Valentino, Brian Atwood, Altuzarra и Maje. За фотографиите бил задолжен Дејвид Слиџпер, а за стилскиот избор се погрижила Тина Чај.
Во интервјуто за списанието, шармантната актерка која денес го слави својот 34. роденден зборуваше за посветеноста на вработените во нејзината компанија „The Honest Company“. „Да си актерка е исто како да си на одмор. Бизнисот е безмилосен. Луѓето работат напорно тука. Убаво е да бидеш опкружен со луѓе кои се толку посветени“ – рекла таа.
Алба признала и дека уште од мали нозе била амбициозна. „Уште на рана возраст знаев дека морам да направам нешто со својот живот“ – изјавила таа.
