Џесика Алба и оваа година присуствуваше на галата на Baby2Baby, организација која цели да им обезбеди на сиромашните семејства производи за хигиена и облека за деца до 12-годишна возраст.
На настанот кој се одржа во Лос Анџелес, 34-годишната актерка и бизнисменка мамеше погледи во креација од Џамбатиста Вали. Жолтиот долг фустан доаѓа од колекцијата пролет/лето 2016 на познатиот италијански дизајнер. Во својот стилски избор Алба додаде и чантичка од Savage.
Компанијата која ја поседува Алба, „Honest Company“, редовно донира дел од своите приходи за потпомагање на активностите на Baby2Baby.
Џесика Алба со сопругот Кеш Ворен
На свеченоста присуствуваа повеќе славни лица меѓу кои Гвен Стефани, Џесика Бил, Рис Витерспун, Роузи Хантингтон-Вајтли, Кери Вашингтон, Кортни Кардашијан и Ченинг и Џена Тејтум.
