Додека престојуваше во Истанбул во текот на јуни, Џесика Алба сними моден едиторијал. Фотографиите го разубавуваат августовското издание на женското списание „Cosmopolitan“.
Ергин Турунк ги потпишува фотографиите за кои филмската ѕвезда позираше во бели летни креации.
Само за фотографијата за корицата е прекршен белиот дрес код, а на неа Алба носи фармерски шорцеви и бежова елегантна маичка.
Во интервјуто за списанието Џесика признала дека е одушевена од турската метропола. „За првпат доаѓам тука и буквално сум одушевена. Имав прошетка низ градот и е восхитувачки... Десертите се одлични, особено баклавата“ – изјавила Алба.