Џенифер Лопез заведуваше погледи на свечената вечера на граѓанската организација HCR, одржана во Вашингтон. 44-годишната ѕвезда ги истакна своите облини во креација од колекцијата висока мода есен/зима 2013 на Зухаир Мурад.
Фустанот во боја на темно црвено вино е украсен со блескави детали кои наликуваат на гранки од дрвја. Занесната креација Лопез ја надополни со мала чанта Сваровски и накит од Нил Лејн.
За време на свечената вечера им беа доделени награди на лицата кои издвојуваат време и енергија за посветено да работат на подобрување на животите на членовите на ЛГБТ заедницата.
На Џенифер ѝ беше доделена наградата „Ally for Equality“.
