Долгата соработка на Дејвид Бекам и „H&M“ и понатаму продолжува. 40-годишната фудбалска ѕвезда ги претстави модните парчиња од својата колекција есен/зима 2015 за шведскиот бренд и во рамките на кампањата, објави комично видео со Кевин Харт.
„Сакам да правам нешто поразлично со моите кампањи со „H&M“. Тоа ми дава шанса да направам нешто сосем неочекувано и да излезам од мојата комфорна зона. Имам снимено акциони сцени и високобуџетни продукции претходно, но пред партнерството со H&M, никогаш не сум соработувал со талентиран комедијант. Кевин Харт е еден од најсмешните и најпаметни момци. Тој беше мојот прв избор и едвај чекам луѓето да го видат резултатот“ – изјавил Бекам.
Актерот и комедијант Кевин Харт е дел од кампањата. Во рекламното видео, Харт се обидува да го имитира и глуми Бекам.
„Да можеш да исмејуваш светска икона како Дејвид Бекам е сон на секој комедијант. Ја сакам модата исто колку што го сакам спортот, па поради тоа бев многу возбуден да учествувам во новата кампања на Дејвид за H&M“ – рекол Харт.