Замрзувате во вашата топла зимска облека? Можеби ќе ве обземе неверојатна топлина откако ќе видите како мали деца го започнуваат денот во Сибир.
Дечиња од градинка во градот Барнаул се преливаат со вода од пластични кофи за време на секојдневна активност која би требало да им го покачи имунитетот.
Директорката на градинката, Олесија Осинецева, која 16 години работи со деца, е убедена дека ваквата вежба на снегот го подобрува здравјето на децата.
„Пред 18 години, родители и доктори се собравме за да зборуваме за здравјето на нашите деца. Сите фаќаа грип и имаше моменти кога половина од децата од градинка не беа добри со здравјето. Беше очигледно дека треба да се стори нешто за да израснат посилни и да бидат поотпорни на вируси. Тогаш дојдовме до идејата да им го зголемуваме имунитетот со вежбање со кофи со ладна вода, надвор на ладното“ – изјавила Олесија.
„Шестмесечните вежби со вода ни покажаа поголема отпорност кон болести. Нашите деца сега имаат можност да одат во градинка и да не настинат дури и ако некој има инфекција“ – објаснила Олесија.
Се разбира, родителите имале можност да изберат дали ќе дозволат нивните деца да бидат вклучени во оваа активност.
Децата кои учествуваат, излегуваат на ладното 90 секунди, туширајќи се со ладна вода и играјќи си во снегот.
Во следното видео можете да видите како децата го започнуваат денот на -10°C: