Дауцен Крус изгледа занесно во новата кампања на модната куќа Емилио Пучи. Ноќните фотографии кои зрачат со мистериозност се дело на фотографското дуо Мерт и Маркус.
28-годишната Холанѓанка, која често ги избира креациите на Пучи за црвениот тепих, на префинет начин ги претстави новите модели од колекцијата есен/зима 2013-2014, кои се повлијаени од стилот од 60-тите години.
„Секогаш гледам на принтовите од архивите, а оваа колекција беше прослава во чест на девојката Пучи, беше за тоа да си среќен и да изгледаш добро и однатре и однадвор. Модата е лек, таа е за среќа“ – коментира дизајнерот Питер Дандас.
Силуетите се кратки – фустаните, здолништата, панталоните и туниките не ги надминуваат колената, можеби со идејата да дојдат до израз ултра високите и тесни чизми.
