Донатела Версаче изненади со бохо модна приказна во Париз. Иако популарната Италијанка милува да ја истражува силната страна на жената, овој пат таа одлучи да ја истакне женската нежност низ призмата на 70-тите години.
На плексиглас писта која беше украсена со 25.000 орхидеи, дефилираа повеќе славни манекенки како Карли Клос, Дауцен Крус, Лара Стоун, Џоан Смолс и Кендал Џенер.
„Постојат две лица. Сакавме да ја покажеме нежната страна на Версаче... Малку е романтична. Не сум парче дрво цело време“ – изјавила Донатела и објаснила дека за изработка на некои од фустаните биле неопходни 400-600 часа работа.
