На вториот ден од Канскиот филмски фестивал сите погледи беа насочени кон Блејк Лајвли и нејзината тенка половина.
На црвениот тепих пред премиерата на филмот „Mr. Turner“, Лајви блесна во светол фустан од високата мода на Шанел. Креацијата која вклучува корсет, визуелно ја намалува половината.
26-годишната актерка го комплетира својот изглед со бели чевли од Софија Вебстер и блескав накит од Лорејн Шварц.
Истиот ден, привлечната сопруга на Рајан Рејнолдс беше фотографирана додека се упатуваше на снимањето на шоуто „Le Grand Journal“. Во таа прилика, ѕвездата од „Gossip Girl“ носеше краток цветен фустан од високата мода на Џамбатиста Вали.
Блејк како да е имуна на модни грешки, иако е една од ретките славни лица кои немаат свој стилист. На отворањето на 67-мото издание на меѓународниот фестивал во Кан таа заведуваше со бордо фустан од Гучи.
Во изминативе десет дена Блејк беше фотографирана двапати во модерни аутфити на различни локации низ Њујорк.
