Бијонсе веројатно не e многу задоволна од новата кратка фризура со која ги изненади своите фанови минатата седмица. На првите фотографии по потстрижувањето, 31-годишната пејачка има нова надградба на косата која ѝ помага за постигнување на лежерна „боб“ фризура.
Бијонсе беше фотографирана со Џеј Зи и малата Блу Ајви во Мајами.
Кратката фризура со која Бијонсе се пофали пред неколку дена била големо изненадување за нејзината стилистка, која откри дека музичката ѕвезда имала бујна долга коса и дека сега би било тешко да ја порасне.
„Работам со неа долго време, таа има прекрасна долга коса и тешко е да ја порасне повторно“ – изјавила стилистката Ким Кимбл.
Бијонсе и Џеј Зи се одмараат во Флорида пред да се вратат на сцената. Бијонсе ја продолжува својата турнеја во Велика Британија, а Џеј Зи ќе настапи со Џастин Тимберлејк во Мајами, во рамките на турнејата „Legends of the Summer“.