Бијонсе ќе се појави на двојната насловна на јулското издание на списанието W, која ја дели заедно со Кристина Агилера.
Облечена во свилена проѕирна кошула, кратки панталончиња од кашмир, капа и маска, сите од Луј Витон, и свилен градник на Живанши, Бијонсе изгледа силно и борбено.
За интересната фотосесија снимена од познатиот фотограф Патрик Демаршелие, Бијонсе освен облека од Луј Витон и Живанши, носи и модни парчиња од Долче и Габана, Марк Џејкобс и Нина Ричи.
Во краткото интервју за списанието, Бијонсе објасни зошто новиот албум го нарече „4“ и прокоментира за создавањето на спотовите.
За спотовите: „Која ја пеам песната, во главата имам слика за спотот. На некој начин ја слушам кореографијата што ќе биде во видеото, и можам да видам како ќе изгледам, дури и пред сите други да ја слушнале песната.“
За насловот на албумот: „Фановите го именуваа албумот „4“. А 4 е мојот омилен број. Тоа е важен број во мојот живот: датата на мојот роденден, на роденденот на мајка ми, на роденденот на мојот сопруг, датата на мојата свадба. Барак Обама е 44. претседател, а јас ја изведов „At Last“ од Ета Џејмс на неговата инаугурација.“