Бијонсе и Џеј Зи очигледно планираат преселување, и тоа во нов луксузен дом. Странските медиуми за недвижности известуваат дека музичкиот пар наскоро ќе потпише договор за купување на импресивен дом во Беверли Хилс.
Имотот вреден 85 милиони долари бил разгледуван од Бијонсе и Џеј Зи неколкупати и преговорите се во тек. Куќата вклучува 8 спални соби и 15 бањи, гаража за 16 автомобили, бескраен базен, винарска визба и домашна кино сала.
Имајќи предвид дека парот заработи околу 100 милиони долари само од заедничката турнеја „On The Run“, може да се каже дека цената на фасцинантниот дом за нив не е финансиска пречка.
Во изминативе денови се разгореа неколку гласини за славните музички ѕвезди. Многу медиуми пишуваа дека Бијонсе и Џеј Зи се пред развод, а други известуваа дека очекуваат второ дете.