Бијонсе блескаше на премиерата на својот документарен филм „Life Is But A Dream“. Облечена во креација од колекцијата висока мода пролет/лето 2013 на Ели Сааб,
Бијонсе зачекори на црвениот тепих во Њујорк заедно со Опра.
Документарниот филм открива дел од приватниот живот на Бијонсе. Во филмот таа зборува на теми кои обично не ги дискутира во медиумите – спонтаниот абортус во првата бременост, гласините за тоа дека воопшто не била бремена, за отпуштањето на татко си од улогата на нејзин менаџер и сл.
„Чувствував дека е време да ја раскажам мојата приказна, затоа што поминав низ многу и имам толку многу за славење, толку многу за споделување“ – изјавила таа.
Подоцна Бијонсе била фотографирана со Џеј-Зи на забавата по повод премиерата на филмот.
