H&M ги објави фотографиите од летната кампања со Бијонсе. На егзотичните фотографии 31-годишната пејачка позира во костими за капење и облека за на плажа, инспирирани од нејзиниот индивидуален стил.
Рекламната кампања „Бијонсе како г-ѓа Картер во H&M“ била снимена на тропски локации на Бахамите. „Отсекогаш ми се допаѓало фокусирањето на H&M на пристапната мода. Навистина ми се допадна концептот на кој работевме за истражување на различните емоции на жената, претставени од четирите елементи – оган, вода, земја и воздух“ – изјави Бијонсе по објавувањето на веста за модната соработка.
Во кампањата се вклучени и бикини од колекцијата „H&M for Water“, кои помагаат во собирањето на парични средства за меѓународната непрофитна организација WaterAid.
