Ревиите на кои се покажуваат колекциите од високата мода обично ги носат посетителите во светот на фантазиите со екстравагантни и имагинативни креации. Но, Џорџо Армани реши сите да ги спушти на земјата и да ги потсети на големата трагедија која неодамна се случи во Јапонија.
Неговата колекција е инспирирана од јапонската култура и традиција, а посветена на жртвите од трагичниот земјотрес и цунамито кои ја зафатија Јапонија и одзедоа илјадници животи.
Секој модел зрачеше со јапонски мотиви и сите креации вклучуваа детали кои потсетуваа на традиционалните јапонски кимона, типичните цветни дезени и популарниот „гејша“ изглед.
Шапките кои го привлекуваа погледот кон главите на манекенките беа изработени од славниот Филип Трејси.
Ревијата на Армани привлече и холивудски ѕвезди во првите редови. Заедно со Роберта Армани на првиот ред седеа Кејт Бланшет и Кејти Холмс.
