Карин Ројтфелд, поранешната уредничка на францускиот „Вог“, избра 12 од ангелите на Victoria’s Secret за креирањето на модерен pin-up календар за списанието VMAN.
„Соновите за девојка од соништата ги држат повеќето мажи будни навечер. Хиперболите настрана, ако некогаш некоја жена може да му се доближи на совршенството, тогаш таа е една од овие супермодели и ангели на Victoria’s Secret, 12 од најславните суштества на планетата. Понекогаш соништата се остваруваат“ – пишува на првата страна на календарот.
Секој месец од годината има своја мисица. Атрактивните манекенки кои се најдоа на страниците на календарот се: Адријана Лима, Кендис Сванапул, Миранда Кер, Дауцен Крус, Шанел Иман, Лили Доналдсон, Изабел Голарт, Џоан Смолс, Ен Ви, Каролина Куркова, Ана Беатриз и Алесандра Амбросио.
