ФОТО: Анџелина Џоли насмеана со три од своите деца на прошетка во Лос Анџелес

Додека трае судската „битка“ за старателство меѓу неа и Бред Пит, Анџелина Џоли ужива во друштвото на нејзините деца.

43-годишната актерка беше фотографирана на прошетка во Лос Анџелес со нејзините три најмали деца. Таа со широка насмевка чекореше покрај 12-годишната Шајло и 10-годишните близнаци Нокс и Вивиен.

Шајло, која сè повеќе наликува на татко си, го водеше семејното куче.

Поранешниот златен пар на Холивуд во моментов води судски спор во кој Џоли бара целосно старателство над нивните шест деца, додека Пит бара заедничко старателство.

Холивудските ѕвезди имаат три посвоени деца од Камбоџа - 17-годишниот Медокс, 14-годишниот Пакс и 13-годишната Захара, како и три биолошки деца, со кои беше фотографирана Џоли.