Адријана Лима е новата ѕвезда на рекламната кампања на Дона Каран за колекцијата пролет/лето 2012. Прекрасните фотографии со ангелот на Victoria’s Secret се сликани на локации на Хаити.
„Никогаш претходно не сум соработувала со неа и сега целосно се заљубив во неа. Таа ги покажува срцето и душата на Хаити“ – изјавила Дона Каран за Лима.
Дона Каран е силно приврзана за Хаити, особено по земјотресот минатата година, па изборот токму овој остров да биде преставен во новата кампања изгледа како сосема логичен. Графичкиот црно-бел принт кој се провлекува во нејзината пролетна колекција е инспириран од хаитскиот уметник Филипе Додард.
Кампањата ќе биде лансирана во март наредната година.
