Адријана Лима, Дауцен Крус и Ирина Шајк тргнаа во поход на црвениот тепих на Канскиот филмски фестивал.
Трите убавици позираа пред многуте фоторепортери на премиерата на филмот „Sicario“.
Лима изгледаше занесно, иако црниот фустан од Улјана Сергенко беше со малку чудна должина. За гламурозен ефект, привлечната Бразилка избра обетки со смарагди и впечатлив црвен кармин.
Дауцен со широка насмевка дефилираше во класична црно-бела комбинација. Креацијата доаѓа од ателјето на Диор.
Ирина ѝ го довери својот изглед на Донатела Версаче. Златната креација беше декорирана со блескави сваровски кристали.
