Телото на Алеира Аведано изгледа нереално, како песочен часовник. 25-годишниот модел има направено неколку пластични операции, а веќе 6 години носи корсет по 23 часа дневно за да ја добие екстремната фигура.
Аведано, која има половина од 50 сантиметри, не носи корсет само додека е под туш. „Се капам и одмарам еден час, а потоа повторно го ставам корсетот. На почетокот беше ужасно, но се навикнав. Опседната сум со колани и корсети, дури и спијам со нив“ – вели Венецуелката со необично тело.
Иако докторите ја предупредуваат дека нејзиното „хоби“ може да ѝ донесе здравствени проблеми, таа не се откажува од корсетот, кој го нарекува своја втора кожа.
„Каде и да одам, привлекувам внимание. Луѓето викаат по мене на улица, не можат да поверуваат дека моето тело е реално“ – изјавила со гордост Аведано.
Аведано си има направено и липосукција, три пластични операции на градите и операции на носот и усните.