За Синди Крафорд времето како да застанало. 48-годишната убавица, која беше меѓу неколкуте супермодели кои го освоија модниот свет во 90-тите години, одушевува со одржаниот изглед и самоувереноста од страниците на руското издание на „Harper’s Bazaar“.
Препознатливата Крафорд ја истакна својата женственост на фотографиите кои се дело на Хави Гордо. На насловната страница таа носи фустан со уметнички принт од луксузниот бренд Céline.
Атрактивната мајка на две деца е категорична дека досега нема направено корекции на својот изглед со пластична хирургија. Сепак, не крие дека во минатото пробала ботокс и дека воопшто не ѝ се допаднал ефектот, па веднаш прекинала.
