Бела Хадид, чие вистинско име е Изабела Хаир Хадид, денес ќе го прослави својот 21. роденден.
Популарната манекенка, која во изминатите години направи бум во модната индустрија, не сонувала отсекогаш за кариера во модниот свет. Како тинејџерка, Бела била јавачка и голем сон ѝ бил да се натпреварува на Олимписките игри во Рио де Жанеиро.
За жал, таа морала да се откаже од остварувањето на своите мечти поради Лајмска болест, која ѝ била дијагностицирана во 2012 година.
Во 2014 година, Бела стана дел од агенцијата за модели „IMG Models“, со што започна нејзината успешна кариера. Минатата година, таа беше прогласена за модел на годината од страна на машкото списание „GQ“.
За свеченостите, Хадид преферира „разголени“ креации кои го истакнуваат нејзиното витко тело.
Па, по повод роденденот на Бела, потсетете се на 21 од нејзините најспектакуларни стилски моменти.
