Каја Гербер самоуверено ги следи стапките на својата славна мајка. 13-годишната ќерка на Синди Крафорд позираше за „Teen Vogue“.
Уредниците на списанието не пропуштија да ја истакнат сличноста помеѓу Синди и Каја, поставувајќи нивни фотографии една до друга.
Во интервју за списанието, Каја изјавила дека има голема желба да стане актерка и дека веќе започнала да оди на аудиции во Холивуд.
И покрај тоа што многу врати се отворени за Каја во модната индустрија, поучена од искуството на мајка си, таа вели дека не е подготвена да зачекори во тој свет. „Ја гледам мајка ми и тоа навистина изгледа исцрпувачки. Не е лесно – постојано си на штикли и константно си дотерана. Ако тоа ти е работа, сонуваш само за фармерки и маичка... Таа не сака да започнам кариера прерано. Таа започна да работи како модел на 16 години, но тој свет е многу различен сега“ – рекла Каја.
Првиот моден ангажман на Каја беше од страна на Versace пред три години.