Сè поголем е бројот на девојки кои преку атрактивни фотографии ги споделуваат своите стилски комбинации на интернет, а веќе не останаа реномирани брендови кои не ја прифаќаат големата моќ на блогерките.
Така, младите дами со изграден стил добиваат место во првите редови на најпопуларните ревии, предводат огромни кампањи и красат корици на списанија. Слободно може да се каже дека дел од блогерките имаат поголемо влијание кај клиентите од истакнати модни новинари и уредници.
Модниот портал Fashionista и годинава состави листа со највлијателните блогерки на светската модна сцена. При определувањето на финалниот список, биле земени предвид повеќе фактори, како бројот на фанови кои девојките ги имаат на социјалните мрежи, бројот на посетители на нивните блогови, способноста да го искористат нивното влијание за да создадат оригинални производи и нивниот „it“ фактор.
Кијара Ферањи и Ами Сонг втора година по ред владеат на самиот врв на листата.
1. Кијара Ферањи (The Blonde Salad)
2. Ами Сонг (Song of Style)
3. Кристина Базан (Kayture)
4. Џулија Енгел (Gal Meets Glam)
5. Венди Нгујен (Wendy’s Lookbook)
6. Џули Сарињана (Sincerely Jules)
7. Блер Иди (Atlantic-Pacific)
8. Крисел Лим (The Chriselle Factor)
9. Гала Гонзалез (Amlul By Gala Gonzalez)
10. Никол Ворн (Gary Pepper Girl)
