Ќерката на супермоделот Синди Крафорд е доказ дека добриот изглед е во гените. 10-годишната Каја Гербер започна да ги следи стапките на својата позната мајка во светот на модата.
Со голема самодоверба младата Каја позираше за кампањата пролет/лето 2012 на Young Versace.
Каја
Синди Крафорд долги години беше муза на починатиот Џани Версаче, па сосема логичен е изборот Каја да биде лицето на првата кампања за детска колекција на италијанскиот бренд.
„Како и нејзината мајка, и Каја има специјална дарба. Камерата навистина ја сака“ – изјавила Донатела Версаче.
„Пресреќна сум што Каја беше избрана да биде дел од првата кампања на Young Versace. Јас имам толку многу драги спомени од времињата поминати со Џани и Донатела. Тоа што бев на снимањето со мојата ќерка и што ја гледав пред камерата беше фантастично искуство. Многу се гордеам со неа“ – изјавила Синди.
Синди Крафорд и Ренди Гербер со децата Присли и Каја
Кампањата била снимена од фотографското дуо Мерт и Маркус. Модната линија Young Versace е наменета за деца од 12 години.