„Фала што веруваш во мене, ти си ми клучот за сè“: Стефан Лазаров со бремената сопруга Марта на „Lazarov Awards“
Синоќа, во ресторанот Парк by Ragusa Group, се одржа доделувањето на Lazarov Awards 2026.
Домаќинот Стефан Лазаров среќен и горд на својот успех додели многу награди и признанија, а ја искористи оваа прилика да ѝ се заблагодари на сопругата Марта за поддршката во сите изминати години.
„Срце мое. Фала што веруваш во мене сите овие години, ти си ми клучот за сè. Си ветивме дека заедно ќе направиме сè“ – напиша Стефан на фотографија со Марта од свеченоста.
Двојката, која со нетрпение го очекува своето прво дете, изгледаше елегантно на црвениот тепих.
Марта зрачеше со труднички сјај, појавувајќи се во гламурозна, лелеава креација од Моника Коцарева во нежно сина нијанса која суптилно го истакнуваше нејзиното стомаче. Горниот дел од тоалетата беше збогатен со впечатливи детали и елегантна наметка, која совршено го надополни нејзиниот изглед.
Стефан, пак, избра бело сако со црна машна и класични црни панталони.
На манифестацијата, која годинава се одржува вторпат, беа доделени 19 признанија за најуспешните во повеќе области.